New Delhi, 20 June : Lagbhag ek mahina agey te, Alpha actors Alia Bhatt aru Sharvari laga photo Samay Raina laga India’s Got Latent set pora viral hoithakise. Itu pichete pora speculation uthise ki comedian tu nijor show laga Season 2 Alia aru Sharvari ke guests hisab pora ani open koribo. Etia, Samay nijor itu speculation confirm kori dise.
Comedian tu Instagram te India’s Got Latent Season 2 laga first episode laga YouTube link share korisey, juntu thumbnail image te Alia aru Sharvari laga photo dekhabo. Photo te Alia aru Sharvari hasi thaka dekha jai, aru Alia ekta cap pindhi ase juntu upor “Alpha” likha ase. Dui star logot, Samay, comedian Ashish Solanki aru Balraj Ghai bhi photo te ase.
Samay laga show Saturday evening te Netflix aru YouTube duita platform te premiere hobo. Netflix version te advertisements nathakibo, kintu YouTube version te commercials ahibo.
Show laga Season 1, juntu YouTube te stream hoithakise, guest Ranveer Allahbadia laga ekta episode te kora remarks karone dangor backlash face korisey. Incident tu widespread criticism anise, aru multiple FIRs aru legal challenges bhi uthise. Show shoot kora venue, The Habitat, ke bhi vandalise korisey.
Controversy pichete pora, Samay ke show laga sob episodes YouTube pora remove koribole hoithakise. Pichete, Samay nijor comedy special Still Alive te India’s Got Latent laga Season 2 announce korisey.
