Guwahati, June 24, 2026: Dawai trafficking kurea crackdown te, Special Task Force (STF) aro Kamrup Police khan mele kena ekta joint operation te, heroin pai she Amingaon te.
Kumb ba khobor pai kena, joint team toh ekta Maruti Ertiga ke dure she, gari laga registration number toh AS 01 BQ-5651 thake she. Gari betor te checking kurea homoi, dorja laga betor te bea dawai lokai kena pai she. Authorities khan 25 sabon laga dada pai she, etu betor te heroin thake she, aro etu sob melai she koile toh 350 grams olai.
Etu khan laga dam toh Rs 3 crore phane ase koi she. Duata Manipur manu ke dure she, tai jun Churachandpur district te buhea koi she. Tai jun laga nam toh Lamminthang Haokip ase, aro alak laga nam toh Ginkglholal Haokip ase. Operation toh Additional Superintendent of Police Kaylyan Kumar Pathak para led kure she.
