New Delhi, 24 June : PS Mithran laga Karthi-starrer Sardar 2 finally release date announce kori dise. 2022 hit Sardar laga sequel thaka etu film September te theatres te release hobo kuina makers Wednesday announce kori dise.
Karthi ekta short video share kori film laga glimpse dikhai dise aru announce kori dise ki Sardar 2 September 10 te worldwide theatres te release hobo. Tai likhise, “#Sardar2 ARRIVES… Worldwide in theatres on September 10!”
Video te background te blast hobo dikhai ase, aru Karthi hath te gun loi thaka dekhibole pai. Glimpse te tai dual roles majot ekta, Agent Sardar alias Chandra Bose laga character te ase. Film te Karthi aru ekta younger character Vijay Prakash laga role kori ase.
Sardar 2 ke Mithran direct kori ase. Script Rathna Kumar, Ashameera Aiyappan aru Vignesh Muniyandi para likha, aru screenplay Nambi para korise. Film ke Prince Pictures aru IVY Entertainment produce kori ase.
Film te Karthi aru Rajisha Vijayan agey film pora nijor roles reprise kori ase. Eki logot SJ Suryah, Malavika Mohanan aru Ashika Ranganath cast te notun karne join kori ase.
Etu 2022 laga Sardar sequel ase, juntu worldwide ₹84.50 crore collect kori thakise. Ponniyin Selvan films ke chari dey, etu Karthi laga highest-grossing movie hoise.
Karthi laga Telugu states te bhal fan base thaka karone, film Telugu language te release hobo. Kintu September 11 te Vijay Deverakonda, Rashmika Mandanna aru Arnold Vosloo-starrer Ranabaali release hobo, juntu South Indian languages aru Hindi te ahibo. Etu duita film, August 26 te release hobo laga Yash-starrer Toxic: A Fairy Tale for Grown-Ups laga piche ahibo.
Sardar 2 laga first schedule July 2024 te Chennai laga Prasad Labs te start hoise. Kintu shoot laga third din te ekta durghatana hoi jai. Stuntman Ezhumalai, 20-foot rostrum pora pori jai aru injuries karone mara jai.
Etu ghotna piche Karthi family ke visit kori respect janai dise. FEFSI (Employees Federation of South India) deceased stuntman nimite respect dikhabo karone ek din shoot cancel kori dise aru Chennai laga Kamala Theatre te film artists aru technicians nimite safety awareness meeting conduct kori dise.
