Karnataka, June 25, 2025: Pas jun manu dubi she Cauvery nodi te, Karnataka laga Mandya district te, June 24 laga sam phane. Pas jun laga betor te char jun toh maiki thake she koi she. Mure ja khan laga nam toh Vijayamma, 50, Shwetha, 38, Chaitra, 20, aro Priyanka, 28, tai khan toh khandan ase koi she. Aro Mahesh, kun para gari toh cholai thake she. Utu charta maiki toh, ekta gari hire kure she Bengaluru te para, Muthahi te jabole karne June 24 te. Temples khan te puja kurea piche, tai khan Cauvery nodi te jai she. Mandya district laga SP V.J. Shobha Rani para koi she ki, Vijayamma toh slip khai kena pani te gere jai she, alak khan be pani te gushe kena tai ke bacha bole khushesh kurea homoi, tai khan be dubi jai she koi she. Fire aro Emergency Services khan tai khan laga body toh othai loi she, aro morturay te pathai dea she.
Pas jun manu dubi she Cauvery nodi te
