New Delhi, 25 June : Akshay Kumar etiya phir pora comedy era te ase. Actor tu recently Priyadarshan-directed Bhooth Bangla pora bhal success paisey, juntu tai bishi saal pichete ekdom comedy film ase. Bishi mahina pichete, tai Welcome to the Jungle loi ahise, juntu Welcome franchise laga third instalment ase. Bhooth Bangla te Priyadarshan-Akshay combination laga support thakise, kintu Welcome to the Jungle franchise laga popularity aru dangor star cast pora benefit paisey. Early trends hisab te, itu comedy film laga opening Bhooth Bangla pora bhi bishi dangor hobo kuina dikhai ase.
Welcome to the Jungle laga advance booking release pora bishi din age slow start hoisey, kintu Thursday pora booking khub barhisey. Thursday 2 PM tak, first show shuru nohoi thaka age, Sacnilk hisab te film tu 53,000 tickets bechisey aru first day karone ₹1.26 crore gross korisey. Film tu paid previews aru opening weekend karone bhi bishi tickets bechisey. Etyia BookMyShow te lagbhag 4,000 tickets becha jai ase, juntu bhal sign ase.
Advance booking laga slow start beshi important nohoi, karon Welcome to the Jungle nisina comedy films usually release din spot booking pora bhal chole. Mass action films nisina fan clubs laga advance booking uporte depend nokore. Itu karone trade insiders para koise ki film tu opening day te ₹12–15 crore net collect koribo pare kuina. Estimates hisab te paid previews pora aru ₹3.5–5 crore ahibo pare, juntu opening collection ₹16 crore pora bishi loi jabo. Jodi audience para bhal response pai thake, collection ₹20 crore net tak bhi jabo pare.
Akshay laga purana film Bhooth Bangla ₹16 crore opening paisey (₹3.75 crore paid previews eki logot). Etyia laga situation hisab te, Welcome to the Jungle komti hoile bhi itu collection equal koribo pare, aru release pichete sob bhal thakile aru bishi collect koribo pare.
Welcome to the Jungle solo release pai ase, weekend te dangor competition eku nai. Tai first competition agla week te ahibo ketia Baby Do Die Do aru Alpha release hobo. Yash Raj Films laga Alpha, juntu Alia Bhatt aru Sharvari star kori ase, film tu laga long run karone dangor challenge kuina dikha jai ase. Kintu etiya tak Welcome to the Jungle laga buzz bishi strong ase. Trade reports hisab te Alpha single-digit opening (₹10 crore niche) pai pare kuina. Jodi Welcome to the Jungle bhal reports pai jai, audience khan Alpha pora bhi ghurai anibo pare.
Welcome to the Jungle ekta comedy caper ase juntu te Akshay Kumar, Suniel Shetty, Raveena Tandon, Arshad Warsi, Paresh Rawal, Jackie Shroff, Tusshar Kapoor, Jacqueline Fernandez, Lara Dutta aru Disha Patani nisina stars ase. Film tu A.A. Nadiadwala, Cape of Good Films aru Star Studio18 para Seeta Films aru Rakesh Dang eki logot present korisey. Firoz A. Nadiadwallah, Rakesh Dang aru Vedant Vikaas Baali produce korisey. Welcome to the Jungle June 26 din theatres te release hobo.
