California, 25 June : Curry Barker laga Obsession, juntu $1 million pora kom budget te (lagbhag $750,000) bonaise, etiya box office te ekta historic phenomenon bani jai ase. Film tu horror movie trends ke ulta kori dise, consecutive weekends te revenue barhi thakise aru sesh te film history te sob pora bishi collection kora festival acquisition movie bani jai ase. Fans khan bishi din pora jani bole mon thakise Obsession ketia streaming te ahibo, aru etiya digital release date announce kori dise.
Obsession June 30 pora digital purchase aru rental karone available hobo, kintu streaming te ketia ahibo etiya tak official khobor nai, Movieweb hisab te. Kintu movie tu etu somoi te Peacock te ahibo kuina expect kori ase. Etyia bhi film tu theatres te sabole pai ase.
Barker laga film tu film festival pora acquire kora movies majote sob pora bishi collection kora movie bani jai ase. Tai The Blair Witch Project laga reported global collection $248.6 million ke bhi cross kori dise. Deadline hisab te, found-footage horror film The Blair Witch Project ke Sundance 1999 pora Artisan $1 million pora bishi te acquire korisey.
Inde Navarrette aru Michael Johnston star kora Obsession laga paanch weekends majote charita consecutive weekends te opening weekend collection ($17.1 million) ke bhi cross kori dise. Film tu Blumhouse aru Universal laga Oscar-winning Get Out laga final global collection $259.9 million ke bhi pichete pelai dise.
Obsession laga age streaming date thakise, tai laga unprecedented box office performance karone distributor Focus Features etiya release rokhi dise. Age film tu June 2, 2026 te digital release hobo kuina plan thakise.
Universal Pictures, juntu Focus Features laga owner ase, COVID-19 pandemic somoi theatres khan logot ekta deal korisey. Etu hisab te studio khan nijor movies theatrical release pora 17 din pichete digital te pathabo paribo, jodi film tu $50 million pora kom collection kore. Obsession $17 million opening paisey, aru bishi manu bhabisey ki agla kunba weeks te collection komi jabo.
Kintu May 31 din, Focus Features Obsession laga digital release cancel kori dise karon film tu laga box office collection week barhi thakise. Movie tu streaming te ahibo kuina thaka din te bhi theatres te $5.7 million collect korisey, Movieweb hisab te.
Etu saal, Universal Pictures tai laga 17-day theatrical rule ke ulta kori dise aru etiya decide korisey ki tai laga sob films komti hoile bhi paanch weeks theatrical window pabo digital purchase te ahia age. Kintu Focus Features etu rule pora alag ase aru tai etiya bhi 17-day theatrical model use koribo pare.
Obsession, juntu te Michael Johnston Bear role te aru Inde Navarrette Nikki role te ase, 1982 laga E.T.: The Extraterrestrial pichete first movie bani jai ase juntu second aru third weekends te collection barhaisey. The Hollywood Reporter hisab te, etu khub rare achievement ase.
