New Delhi, 26 June : Box office te successful run kora pichete, Riteish Deshmukh laga historical action drama Raja Shivaji etiya digital debut koribole jai ase, juntu audience khan ke nijor ghar pora film sabole sujog dibo. Chhatrapati Shivaji Maharaj lags jibon aru legacy uporte bona etu period epic etiya aro bishi audience tak ponchibo.
Friday din, Netflix tai laga official Instagram account pora Riteish Deshmukh laga film release announcement kori dise.
Film tu Riteish Deshmukh direct korisey, aru Genelia Deshmukh aru Jyoti Deshpande para Mumbai Film Company aru Jio Studios laga banner niche produce korisey. Film te Riteish Deshmukh main role te ase. Eki logot Sanjay Dutt, Abhishek Bachchan, Mahesh Manjrekar, Sachin Khedekar, Bhagyashree, Fardeen Khan, Jitendra Joshi, Amole Gupte aru Genelia Deshmukh bhi ase.
₹75 crore budget te bona etu film critics para mixed reviews paisey. Kintu etu pichete bhi film tu ₹117 crore pora bishi collection koribole parise.
Etu collection logot Raja Shivaji, Sairat laga lifetime worldwide gross collection ₹110 crore ke cross kori dise aru etiya sob pora bishi collection kora Marathi film bani jai ase. Bishi Marathi films nisina, Raja Shivaji overseas release bhi napai, juntu etu achievement ke aro dangor bonai dise.
Film tu laga VFX karone kunba criticism ahise, kintu Abhishek Bachchan tai ke defend kori dise. Tai para koise ki budget limitations thaka karone film tu ke dangor banner films logot compare koribo thik nohoi, karon etu nisina films VFX karone khub bishi taka khorcha kore.
ANI logot kotha pati thaka somoi, Riteish para koise ki tai khub khushi ase ki film tu audience khan logot emotional level te connect koribole parise. Tai para aro koise ki box office numbers pora bhi audience laga bhal response aru connection tai karone bishi important ase.
