Bhopal, 29 June 2026: Chor khan Bhopal House purana judge Giribala Singh aro taila mota bacha Samarth Singh laka ghor te gusi shey, kun currently jail te ase connection te Twisha Sharma laka death lokot, Samarth laka maiki, police pra janai dishey. Incident toh June 27 laka rati te hoishey taikhan laka ghor te Katara Hills area te. Chor manu khan ghor te gusi shey aro sona silver chor kuri shey aro documents b, etu hoina pulai jaishey. Hoileh b ekta patrolling police pra taikhan dikhi shey. Police laka hisap te, accused toh jakara kuri shey patrolling police team lokot aro fight hoi kina pulabo pari shey. Fight time te, chor khan bag ekta chari dishey jaka te police laka haat pra pulabo leh koshis kura time te. Assistant commissioner of police (ACP) Rajneesh Kashyap pra news agency PTI ke koishey ki CCTV camera incident osor te dikhai shey charta accused Giribala laka ghor te gusi thaka back door pra, aro duijun toh bahar nichi te rukhi thaki shey.
Chor khan jailed Giribala Singh laka ghor te gusi shey, cops lokot fight hoi kina pulai jaishey
