Hyderabad, 29 June : Adivi Sesh laga brainchild Goodachari (2018) release hoi thaka somoi sob pora bishi collection kora Telugu spy thriller films majote ekta bani jai ase. Etyia actor tu sequel G2 logot franchise ke aro dangor level loi jabo mon ase. Exclusive khobor hisab te, film laga agla schedule Hyderabad te shoot hobo aru scene laga intensity match koribole ekta dangor film set phir pora bonaise. Ekta source para koise, “Hyderabad te ekta khub dangor dramatic sequence ekta massive set te shoot koribo. Emraan Hashmi aru Wamiqa Gabbi bhi etu agla schedule te Sesh logot join koribo. Shooting July pora shuru hobo kuina expect kori ase.” Source para aro koise, “Team tu etu agla schedule karone rati-din kaam kori ase. Etu film laga sob pora important schedules majote ekta ase aru high-tech action scenes bhi thakibo. End te fans khan Goodachari ke kiman bhal pai, etu karone tai ensure kori ase ki sequel tu tai khan laga expectations match koribo. Agla schedule kunba weeks tak cholibo kuina expect kori ase.” Details janibole Sesh logot contact kora somoi, actor-writer tu bishi kotha nokoi thakise. Kintu agla schedule confirm kori tai koise, “July te phir set te ghuri jabo karone moi khub excited ase, karon etu phase te film laga sob pora important portions ase. Ami film tu khub careful pora bonaibole bishi somoi loise, aru etiya agla stage te enter koribo.” Tai aro koise, “Goodachari franchise karone audience para juntu response paisey, etu amikhan ke nijor standards aro ucha koribole motivate kori ase. G2 te ami etu kaam koribole try kori ase. Fans khan khub somoi pora wait kori ase kuina moi jane, aru final film tu tai khan laga patience ke reward koribo kuina asha kori ase.” Vinay Kumar Sirigineedi para direct kora etu film etiya tak Poland, Hungary aru Chennai te shoot kori khotom kori ase.
Adivi Sesh G2’s schedule karne Hyderabad te shoot kuribo
