New Delhi, 29 June : Emraan Hashmi officially phir Shivam Pandit laga role te ghuri ahibo. Awarapan release hoina 19 saal hoija pichete, audience majote cult status pai thaka etu film laga duniya phir big screen te ghuri ahise. Film laga 19th anniversary din release kora Awarapan 2 teaser te emotional continuation ekta dikhai dise, kintu etu saal aro bishi emotions aru action logot. Notun teaser te, Aaliyah (Shriya Saran) ke harai pichete bhangi ja thaka ekta manu ke dekha jai ase. Tai etiya bhi jibon te kuntu purpose nathaki ghuri ase. Emraan Hashmi laga voice-over logot, teaser tu Shivam laga nijor monor kotha nisina ulai jai ase. Teaser laga end te, khub dramatic scene te injury pai thaka Shivam camera phale saina koise, “Is baar ya to ye awaarapan khatam hoga, ya main.” Etu dark, intense aru franchise laga emotional essence ke perfectly capture kori ase, eki logot action level bhi barhai dise. Teaser laga sob pora special moment majote ekta hoile Toh Phir Aao laga comeback. Mithoon naya version compose korisey, juntu Toh Phir Aao 2.0 nam te ahibo. Lyricist Sayeed Qadri bhi etu gaan te kam korisey. Teaser te khali olop hunibole pai, kintu etu bhi purana nostalgia khan phir ghurai anibole ase. Awarapan 2 te Emraan Hashmi phir main role te ahibo. Eki logot Disha Patani aru Shabana Azmi bhi important roles te ase. Surendar Vicky, Vijayant Kholi aru Atul Kumar bhi key roles te dekha jabo. Film tu Vishesh Bhatt produce korisey, Nitin Kakkar direct korisey aru Bilal Siddiqui script likhise. Awarapan 2 August 14, 2026 din worldwide theatres te release hobo. Box office te film tu Sunny Deol laga Batwara 1947 logot clash koribo. Rajkumar Santoshi para direct kora aru Aamir Khan Productions laga banner niche bona etu film te Sunny Deol logot Preity Zinta, Ali Fazal aru Karan Deol bhi ase.
Awarapan 2 teaser
