Moscow, July 4, 2026: Russia laga authorities khan para Saturday tekoi she ki, Ukriane khan para beshe dangor hamla kure she drone khan cholai kena, St Petersburg aro Leningrad region khan te.
St. Petersburg laga Governor Alexander Beglov para koi she ki, ekta dangor hamla hoi she, city laga opor te. Tai para alak jankare toh de nai, hoile be local media khan para koi she ki, city laga oil terminal te jui lage she.
Leningrad region laga governor Alexander Drozdenko para koi she, drones khan Vysotsk laga port te lage she. Etu port te oil, grain, coal aro LNG khan ahea koi she. Drozdenko para koi she, 72 drones neshe na toh gerai de she Leningrad region te.
Ukraine khan etu sal, Russia laga energy infrastructure opor te beshe hamla kurea ase. Etu karne Russia laga kumba parts khan te fuel komti hoi kena ase.
