Lahore, July 4, 2026: Pakistan laga ekta senior politician laga khandan toh, char jun laga betor te thake she, kun para duata foreigners ke gangrape kure she, police khan para enia koi she Friday te.
Utu char jun laga nam toh, Muhammad Raza Dar, Hassan Raza, Sikandar Khan aro Sajid Ali ase, Lahore laga ekta court para, tai khan ke pas din karne police khan laga hath te de she.
Raza Der, kunto prime suspect ase, tai toh senior politician Ishaq Dar logo te link ase, kunto Pakistan laga deputy Prime Minister aro Foreign Minister ase.
Ekta foreigner toh Netherlands te para ase, aro alak ekta toh Venezuela te para ase koi she. June 29 te, pas jun manu para tai jun ke gangrape kure de she koi she, Lahore te.
Police khan para, utu duata maiki ke bacha bole pare she, Spain te para ekta maiki laga baba para call kurea piche. Lahore police para Thursday te, ekta case register kure she utu pas jun opor te, aro char jun ke dure bole pare she. Ek jun toh etia be dure bole pare nai koi she.
