Colombo, July 17, 2026: Sri Lanka police khan para former Indian Cricketer aro Lanka Premier League (LPL) team, Jaffna Kings laga co-owner, ke geraftar kure she Friday te, tournament shuru naho ahge te, tai khelari kumba khan ke puisa de she koi she.
Tai laga nam toh Manjot Kalra ase, tai ke Colombo laga ekta hotel te para gerfatar kure she, tai ekta khelari ke Rs 95 lakhs de bole thake she, Sports Investigation Unit laga Inspector Supun Vidanage para enia koi she. Tai para aro koi she ki, tai ke magistrate laga ahge te loi jabole ase.
Utu khelari toh police khan ke khobor de deshe Manjot toh tai khan laga ahge te ahea piche. Mr. Vidanage para koi she ki, alak duata khelari laga ahge te be jai she Mr. Manjot toh.
