Aug 02: Ariana Grande pora peshe fans khan pora rokhe taka laka khobor koiteshethe Grammy award winner Ariana Grande pora tai laka 8th Studio Album toh April 2026 te announce koreahse aro tai pora 31 July te release koreshe.
Etu gana khan toh mom pekha , manu ke phal kore teya,nejor ke jani pole para aro olop tai laka mon manu pora najana ke chanetebole kora laka gana khan ase.
Itu album to 2024 laka Eternal Sunshine ke continue kora laka ase koishe. Etu Album relase kora time te art kora khan phe tekaishe. Aro etu timete tai laka Album laka idea opor te kota koreshe. Grande pora etu Album opor te kosihe ke tia huru taka time te kenaka duk pasihe. Etu te aro tai pora kosihe ke tai laka life te peshi dhanda(cold) aro peshi duk aro peshi challenge takeshe. Ariana tai nejur etu petal track list to release koreshe. Etu album te 12 ta gana ase. Etu gana te “hate that i made you love me,” aro “kiss me,” “stay,” “oh well,” “big feelings,” “freak,” “like i do,” “never get over me” aro “bad thing (bunny hop).” Khan ase.
Ariana para tour phe korebo koishe. Aro Etu tour toh tai laka album ke support korebole ase.
