Messi wapas Inter Miami te ahe she, tai khan 2-2 draw hoi she Columbus Crew logo te

Miami, August 2, 2026: Lionel Messi toh wapas Major League Soccer action te ahe she World Cup duty kurea piche Saturday te, tai second half te hake she, Columbus Crew khan laga khelaf khelea homoi. Saturday laga match te, duata side be 2-2 goal goshai kena draw hoi she. Dua hafta piche World Cup final te Spain khan logo te harea piche, Messi toh pitch te wapas ahe she 53^rd minute te, Miami laga Nu Stadium te. Hoile be tai goal gosha bole pare she, dua bar beshe ucha marea piche. Uruguay laga Luis Suarez tai laga seventh goal goshai she tai laga charta last games khan te para, aro Miami khan 1-0 uthai she 16^th minute te. Miami laga Casermiro para 34^th minute te ekla laga goal te goshai she, aro 1-1 kure de she. Half-time piche, Noah Allen para ekta goal goshai kena 2-1 kure de she. Hoile be Columbus khan laga Brais Mendez para 84^th minute te ekta goal goshai kena draw kure de she.