Shimla, August 8, 2026: Seven manu mure she aro 11 manu jokhom pai she ekta private bus ulta ho kena aro rasta laga niche te gerea piche Himachal laga Chamba district te, Saturday te, police khan para enia koi she.
Bus toh Bairagarh te para Chamba pahne jai thake she, tai khan Churah Valley laga rasta loi kena jai thake she, kunto beshe patla aro rankhan laga osor te ase.
SP Chamba, Vijay Saklani para koi she ki, kiman manu bus te thake she etu toh etia be jane bole pare nai. Hoile be utu seven manu kun mure she tai khan utu bus te buhe kena thake she.
Tai para koi she ki, bus te buhe kena thakea khan hala kurea hunea piche, locals khan juldi jai kena modok kure bole khushesh kure she aro police khan ke jankari de she.
NDRF, Police, Home Guards, Fire Service aro Revenue Department khan mele kena bacha laga operations khan kure thake she, police khan para enia koi she.
