Agencies: Purana Manchester United aro Everton forward Wayne Rooney para koishe ke tai ekdam bardast kuribole napari kena ase ke tai laga purana dusman Liverpool khan etu season laga Premier League title toh jeetibole genika ase.
Rooney toh Manchester United naja agote Liverpool laga dusman Everton khan logote tai laga career suru kurishe. Rooney koishe ke Liverpool etu season laga Premier League jeeta para toh Manchester City toh he aro bhi Premier League title toh jeetile bhal hubo.
Etiya Liverpool toh Premier League table laga sob para ucha te ase. Etiya tai khan City para duita points para upor te ase. Hoile bhi Manchester City toh etiya bhi Liverpool para ekta match komti kheli kena ase.
Rooney para talkSPORTS ke koishe ke desh para bahar thaka samay te etu duita clubs toh ekdam ekta opor te ekta khela dekhi kena ekdam mon aram te nai. Rooney toh etiya Major League Soccer te DC United khan nimite kheli ase.
Manchester City toh Liverpool para agay hoi jabole moi asha kuri ase. Moi toh Liverpool jeetiya toh ekdam bardast kuribole napari kena ase. Judi Liverpool khan jeetile toh etu sob Evertonian khan nimite ekdam biya sapona genika hubole ase.
Rooney koishe ke moi yaad ase ketiya 2005 saal te Liverpool khan Champions League jeetishe aro Evertonian khan toh etu laga kotha toh etiya tok bhi koi ase. Toh judi etu genika aro bhi hoile toh etu toh aro dos nohoile bhi pondoro (15) saal jabo.
Liverpool toh 29 saal te etiya tok ek bar bhi league title jeetia nai. Judi Liverpool khan etu bar title toh jeetile toh tai khan Manchester United para 19 titles jeetia laga ekta title nichete te thaki jabole ase.
Add Comment