Sultan Azlan Shah Cup hockey tournament toh Saturday te shuru hobole ase, tate India toh Japan logote khilaf Ipoh, Malaysia te opening clash te khelibole ase. Besi manu jokhom pora gomjor howa Indian hockey team toh Asian Games gold medallists khan logote khilaf khelibole ase, biswas korikena ki jowa saal hariya toh etu saal hatai dibo koikena. Tai khn laga khel besi bhal hoikena bi, India toh phabana koriya pora gomti thakise. Commonwealth Games aro Asian Games te asurit pora hariya aro aro ekdum nijete World Cup te sixth position pora khotom howa pora Indian hockey fans khan ke khusi kori diya nai.
India toh opai nathakikena Sultan Azlan Shah Cup te besi experience nathakiya team halibole olaise kile koile besi kheliya manu khan jokhom powa nimite.
“Japan, Korea aro hosts Malaysia laga team ke hosiyar koribole laage. Tai khan toh pura team loikena berai ase aro tai khan toh moi khan nimite besi dangor chanautee thyakibo,” Manpreet Singh pora Japan logote khilaf opening match nimite koise.
Thursday te, Indian team pora hosts Malaysia logote khilaf ekta practice match khelishe aro tournament te bhal pora shuru koribo nimite pura dayar ase.
Sultan Azlan Shah te India laga jowa match te team toh fifth te khotom hoise hoilebi senior players khan logote jowan units khan milaikena bhal pora kheliya dekhise.
Etu team toh olop man pora Olympic champions Argentina logote khilaf 2-3 pora tai khan laga pohoila match te harise, England logote khilaf 1-1 pora draw hoise, Australia (kono pora title jitise) logote khilaf 2-4 pora harise aro Malaysia logote khilaf 5-1 pora jitise. Kintoh tai khan Ireland logote khilaf robin stage te 2-3 pora harise, hoilebi placement match te tai khan ke 4-1 pora hari dise.
Add Comment