California, 11 August : American punk-rock band Green Day entertainment duniya te film-making te notun step loi ahise. Band laga early years pora inspired Nimrods ekta coming-of-age comedy film, juntu Lee Kirk direct korise.
Film laga story te Kansas laga tin young teenagers—Tommy, Fred aru Chad—Green Day laga New Year’s Eve show te opening act koribole invitation paisa kuina bhabi cross-country journey te ulai jai. Main character Tommy band ke nijor demo diya piche musician hobo laga dream dekhe.
Green Day members Billie Joe Armstrong, Tre Cool aru Mike Dirnt film laga story karone nijor personal experiences share korise. Band laga music film laga soundtrack te important role play koribo. Nimrods 14 August 2026 te US theatres te release hobo.
Film tu Green Day laga early touring days aru punk-rock culture uporot focus korise.
