New Delhi, 11 August : Popular Mirzapur franchise laga The Movie trailer aji release hoise. Trailer te Pankaj Tripathi, Ali Fazal aru Divyenndu laga characters ekbar power struggle aru gang rivalry majot face-to-face hobo kuina dekhaise.
Film tu original series laga story ke theatrical format te continue korise. Trailer te Kaleen Bhaiya, Guddu aru Munna laga characters laga conflict aru power struggle main focus hisab te dekhaise. Action, violence aru intense confrontation pora film tu original Mirzapur series laga atmosphere maintain kora kuina trailer pora bujibo pari.
Mirzapur: The Movie 4 September 2026 te theatres te release hobo. Trailer release hua piche fans khan social media te film laga storyline aru characters loi bishi discussion start korise. Pankaj Tripathi aru Ali Fazal laga return pora franchise fans khan aro excited hoise.
