Portugal, 12 August 2026: Football superstar Cristiano Ronaldo pra shadi kuri shey tai laka longtime partner – model aro influencer Georgina Rodríguez – ekta civil ceremony te Portugal te. Portuguese strike pra image post kuri shey tai laka Instagram account te duita haat dikhai kina- tai laka haat taila maiki laka haat opor te- duijun b wedding rings chulai kina. Wedding of the year mati kina, Portuguese media pra koishey couple toh knot bandi shey August 11 te coastal town te Cascias laka Lisbon osor te aro taikhan laka pasta bacha attend kuri shey.
Instragram entry toh 3m likes opor thaki shey 30 minutes bitor te post kuri kina. Couple toh dos saal karne eki lokot thaki shey, taikhan Gucci shop te lok pai kina Madrid te kute Rodriguez toh kam kuri thaki shey. Tai etu time te Spanish club Real Madrid te khili thaki shey. Taikhan pra engagement announced kuri shey last year August 11 te. Etu time te Rodriguez pra picture post kuri shey dangor ring laka, “Yes I do. In this and in all my lives” likhi kina tai laka native Spanish te.
