New Delhi, August 13, 2026: Air India full screening kure bole, tai khan laga sob pilots ke, nakhabole laga saman aro dawai khan kha ase na nai sabole karne, Thursday te shuru kure kena.
Etu mamla toh, Air India flight AI 2379 Phuket-Delhi laga jamala karne ola ase, kute utu flight te achanak para 300 feet neshe na name she aro 24 manu jokhom pai she.
Utu pilot ke test kure kena sa piche, jane bole pare she ki, tai ganja khai kena thake she. Etu screening kure bole laga jankari toh sirline laga sob cockpit crew ke pathai de she email te para.
Testing toh Air India laga Gurgaon Academy te kure bole ase pilot traing logo te, nahoile be flight piche airports khan te. Senior Vice President, Flight Operation, Manish Uppal para mail te koi she ki, tai khan test toh passengers, stakeholders aro community laga safety karne kurea ase.
