Sri Lankan limited overs captain Lasith Malinga toh international cricket pora ahiya saal laga T20 World Cup bicchete retire hobole ase, tai pora Friday te koise. “Moi T20 World Cup te kheliya bicchete moi laga career khotom koribole mon jai,” etu 35-saal umar pora AFP ke SuperSport Park te South Africa logote khilaf second Twenty20 international hariya bicchete koise. Malinga toh IPL 2019 te Mumbai Indians laga hisa ase, hoilebi tai toh etu franchise laga pohoila choita match te nakhelibole fesla loise kile koile Sri Lanka laga 2019 World Cup squad te tai laga jakka bisaribo karne.
Malinga pora koise ki tai toh England aro Wales te etu summer laga 2019 World Cup bicchete one-day internationals charidibo, etu toh October-November 2020 te Australia te khelibo laga Twenty20 tournament te tai laga career khoto koribo nakuwa aagete ase.
Malinga pora South African top-scorer Reeza Hendricks ke Friday te 65 runs te out kori dise, etu toh tai laga 97th T20 international wicket thakise. Tai toh Pakistan laga Shahid Afridi pora thuriya 98 laga record punchibole khali ekta gomti ase.
Malinga toh 2004 te pohoila bar tai laga ODI match khelise, etu laga bicche saal te tweita World Cup hat-tricks lowa pohoila wala thakise aro teenta ODI hat-tricks lowa pohoila wala thakise. Tai toh jarta balls te jarta wickets lowa khali ekjun bowler bi ase.
Tai laga international career te jokhom powa nimite diktari bi paise. Tai toh 2016 te pura kisim laga international cricket pora ek-saal chutti bi loise.
Add Comment