Prague: Khobor hesab te Brazil laga player Gabriel Jesus para Brazil nimite duita goals marishe. Etu nimite Brazil khan Czech Republic khilaf te 3-1 para jeetishe. Etu match toh Tuesday din te hoishe. Etu toh June moina te hubole thaka Copa America tournament laga warm-up match thakishe.
Duniya laga panch bar champions khan toh Saturday din te Panama khilaf te 1-1 draw toh wapas thik kuribole laga aim para match toh khelishe. Brazil aro Panama khilaf te huwa match toh Porto te hoishe. Czechs khan toh match laga suru te Brazil khan khilaf te bishi goals maribole chances banaishe.
Brazil toh lamba samay nimite jokom hoi kena thaka player Neymar nathaki kena khelishe. Brazil toh match laga dusra half laga surwat te Czech logote barabar hoi jaishe. Gabriel Jesus toh Brazil nimite 83rd minute aro 90th te goal mari de kena match jeetibole modot kurishe.
Add Comment