Japan, October 2, 2026: India laga Nethra Kumanam toh Friday te bronze medal jete bole pare she Asian Games laga sailing competition te, etu tai laga first medal ase char bar khelea te.
29 sal toh two time Olympian ase kun Chennai te para ase, tai 14 points pabole pare she aro third pai she, tai laga ahge te gold winner Sophia Montgomery aro silver medallist Jania Ang thake she.
Match khotom ho piche Nethra para koi she ki, etu tai laga fourth Asian Games aro bhal ase ki etu time tai kiwa ekta toh wapas loi jabole pare bo, hoile be tai beshe mistake kure she kunto points loi jai she.
Nethra toh tai laga final duata race te second toh jete bole pare she aro sixth te thake she. Tai toh 2014, 2018 aro 2022 te be Asian games khele she.
