Aizawl, October 5, 2026: Mizoram te. 6.75 lakh nishina tourists uthea toh dikhibole parea ase. Etu toh etu saal laga January para August tak. Yete connectivity toh bhal hoa nimete thik se uthea ase koishe.
Official Data khan laga hisab te. Statete 6,75,284 manu nishina ahishe koishe 8 moina bitor te he. Aru yete 6,64,197 khan toh Domestic Tourists ase koishe. Aru 11,087 nishina khan toh Foreign manu khan ase.
Yete 2024 para 25 laga saal te toh 5,24,785 tourists aha toh jani paishe. Etu te 5,911 khan toh Foreign tourist ase Aru 2025 para 26 te, tourist uthea toh jani paishe, Yete 9,80,618 nishina ahishe koishe data laga hisab te.
Officials khan para koishe ki. Etu toh Transport laga Infrastructure bhal hoa nimete ase. Bishi bhak toh Bairabi-Sairang railway Line toh bhal kuri dea nimete. Etu toh National Railway network para Aizawl tak ahibole parea nimete ase koishe.
