Imphal, October 6, 2026: Security forces aro police khan para tin jun manu ke geraftar kure she Manipur te alak alak operation kurea homoi October 5 te, kute ek jun toh KCP (PWG) laga member ase.
Ekta joint team para 28 sal Thongram Keli Meitei ke dure she Wangjing Bazar te, police khan para koi she ki tai toh KCP (PWG) laga member ase, aro tai manu khan ke faction te ahe bole manai thake she.
Alak ekta operation te police khan para ekta Activa chola manu ke rokhai she Checkpost te, aro gari te choita packet pai she kunto laga betor te WY tablets thake she. Scooty chola laga nam toh Helminlal Haokip ase.
Imphal East te ekta joint team para 23 sal Md Samsudduha ke dure she Thambalnu Market te, Andro Police Station laga ekta case te shamil thakea karne. Samsudduha toh bea tarika para bunduk, guli aro bomb khan kine she koi she.
