New Delhi, October 7, 2026: Senior opener Smriti Mandhana ke Tuesday te Indian maiki cricket team laga captain banai de she, Harmanpreet Kaur toh captain laga jaga te para name ja piche.
Harmanpreet toh social media te announce kure she ki tai Indian captain laga jaga te para name ja ase, BCCI secretary Devajit Saiki, team head coach Amol Muzumdar aro Mandhana logo te ekta review meeting thakea piche Guwahati te.
BCCI para tai khan laga website te koi she ki, Board of Control for Cricket in India (BCCI) para announce kure she Smriti Mandhana ke Indian maiki cricket team laga captain banai de bole.
Board para koi she ki Smriti toh beshe sal karne Indian maiki laga cricket te ekta leading figure hoi kena ahea ase aro ekta key role khele she team ke ahge loi jabole sob format te.
