Guwahati, October 10, 2026: Yete Assam Rifles aru Assam Police laga Security khan para mili kina operation kurishe koishe. Yete 30,000 drug tablets durishe koishe. Etu toh Rs 1 Crore laga daam ase koishe International Black market te. Yete Assam laga Cachar District para durishe.
Taikhan duita manu ke arrest kurishe koishe. Etu tablets khan toh Chiripool jagate, Auto Rickshaw te thakhi kina paishe. Yete Lakhipur Police Station Officer-In-Charge Shankar Dayal para led kuri kina. Checkpoint dalishe koishe. Aru gari check kureahomoi te. Taikhan para autorickshaw ke rukhaishe. Yete taikhan bisari kina 125 packets laga tablets paishe koishe. Etu toh Duita carton bitor te packed kuri kina thakhishe.
Etu arrest kure manu toh Vishal Das, 24 ase. Tai toh Lakhipur Town laga Cremation Ground Road te thakhea manu ase. Aru Arjun Das toh Chiripool jagate thakhea. Yete case toh registered kurishe koishe Lakhipur Police Station te. Yete Narcotic Drugs aru Psychotropic Substances (NDPS) Act laga bitor te. Aru investigation khan kurea ase koishe.
Assam: Duita manu laga haat para drugs Rs 1 Crore laga paishe
