New Delhi, 10 October : Vaidehee Chaudhari aru Maan Kesharwani 10 October te Fenesta Open National Tennis Championship laga women’s aru men’s singles title jitise. Top seed Vaidehee Chaudhari final te Shruti Ahlawat ke 6-4, 7-5 score te haraina nijor third Fenesta Open title secure korise. Tai age 2022 aru 2024 te bhi itu title jitise. Match tu prai dui ghonta 15 minute cholise, aru Shruti laga strong competition thaka karone final tu bishi challenging hoise. Men’s singles final te sixth seed Maan Kesharwani, third seed Nitin Sinha ke 6-0, 6-4 score te harai nijor first Fenesta Open title jitise. Maan laga karone itu victory bishi special ase, kelemane pichla chari saal te tai tournament laga first round te out hoise. Junior category te Ribhav Saroha boys’ U-18 title aru Parthsarthi Mundhe girls’ U-18 title jitise. U-16 aru U-14 competition next week te suru hobo.
Vaidehee Chaudhari aru Maan Kesharwani National Champions
