Kohima, 15 October 2026: Deputy Commissioner of Kohima, B. Henok Buchem, NCS pra launched kuri shey Ward-19 App, initiative hoi kina Ward-19 Councillor Medoviu Martin Suohu Kohima Municipal Council (KMC) under te Central Plaza, Multi-Level Car Parking, Kohima te October 15 2026 te. Gathering ke address kuri kina special guest hoi kina, Buchem pra congratulate kuri shey councilor aro resident khan ke initiative nimite, koishey ki app toh potential ase improve kuribo leh comunication citizens aro ward authorities bitor te, local issues laka reporting facilitate kuribo aro access bhal kuribo information ke. Tai urged kuri shey concern authorities khan ke ensure kuribo leh ki app toh user-friendly, secure aro responsive thakibo leh. Kohima laka identity ‘First District’ hoina Nagaland laka highlight kuri kina, Buchem pra koishey distinction toh carry kureh responsibility ekta example set kuribo leh public service delivery, innovation, cleanliness aro citizen engagement te. Tai aro referred kuri shey forthcoming 150th anniversary ke establishment laka Office of the Deputy Commissioner Kohima te. Civic responsibility emphasise kuri kina, deputy commissioner pra concern expressed kuri shey littering aro improper waste management opor te, koishey clean city maintain kuribo leh collective efforts lageh municipal authorities aro sanitation workers par te. Tai urged kuri shey sop ward ke nijor laka solid management develop kuribo leh aro household khan ke encourage kuri shey wet aro dry waste segregate kuribo leh source te, letara nakuribo leh aro waste khan bhal pra dispose kuribo leh. Buchem pra koishey good governance toh depend hoi cooperation te district administration, KMC, ward authorities, community organisation aro citizens khan mojut te. Tai hope expressed kuri shey ki ward-19 toh example pra lead kuribo cleanliness promote kuribo leh, waste management responsible rakhi kina aro citizen participation.
Ward 19 app launch kuri shey digital governance bhal kuribo leh Kohima te
