October 16, 2026, 8:14 PM: Itu Tseminyu District Planning & Development Board meeting loishey, 16th October, 2026 tey, DC laga Conference Hall , Tseminyu tey para. Itu meeting toh hoiley, itu DC Tseminyu, Japheth Woch laga chairmanship under tey loishey.
Itu DC para tatey buhi kena thaka sob member khan ke welcome janaishey, aru itu Panchayati Raj, Fisheries, Animal Husbandry nimitey Union Minister laga visit kuriboley laga homoi tey inform kurishey, itu district tey. Tai para inform kurishey ki, itu Union Minister toh hoiley itu NECTAR (Light House), Hospital aru itu district laga ekta bosti tey visit kuriboley asey. Itu meeting tey jawa muhina laga olop kotha khan review kurishey aru Reform Utsav opor tey kotha khan kurishey.
Itu meeting laga homoi tey, Phenshunyu Village laga Lyu Ron Society laga registration nimitey proposal toh approve kurishey aru itu government ke forward kurishey. Itu board para aru itu District Industries Centre (DIC) karney Sub-Industries Centre laga upgradation approve kurishe, Tseminyu tey. Itu District Administration para official para declare kurishey ki, itu Phenwhenyu village aru Zusinyu village toh Child Marriage para Free thaka Bosti asey itu district tey, koi kena janaishey, itu meeting laga homoi tey.
