October 22, 2026: Arunachal Pradesh khan Rs 5 Crore laga War memorial toh banaishe koishe. Etu toh Keyi Panyor District te. Yete Neelam Tebi ke honour kuribole nimete. Tai toh Assam Rifles Jawan thakhishe. Tai toh 1962 saal te India-China War te, Chinese forces khan ke larai kina murishe koishe. Taike yaat kuribole nimete 45,000 square metres laga memorial banaishe. Yete Tebi laga shakal aru contributions khan dali kina ase.
Etu project toh October 20 din te saishe koishe. Yete 64th Anniversary ase Tebi muri kina. Indian Army laga 19th Battalion of the Jat Regiment, the indo-Tibetan Border Police (ITBP) aru Local manu khan bi sob ahishe koishe. Yete Soldier ke respect dibole.
Yete State Government khan parabi Rs 5 Crore dishe. Etu bana laga first phase nimete. Tebi toh Lower Subansiri District laga Nyelam Bosti para ase. Tai toh 5 Assam Rifles te thakhishe. Aru taike Kameng Sector te murai dishe. Yete Chinses khan para 1962 te. Military Officials laga hisab te. Tai toh jokhum hoishe koishe October 19 din te. Aru October 20 din te murishe. Commandant Thanglian Mang of 60th ITBP Battalion para janai dishe ki. Tebi toh bishi mun dangor thakhishe. Aru etu memorial para Soldier laga legacy toh bachai kina thakhibo.
