New Delhi: Thursday din FIFA rankings para diya khobor hesab te Indian football team toh duita jaga para uthishe. Etu nimite Indian team khan etiya 101 rank te uthishe.
Indian team khan total 1219 ranking points loi kena Indian team toh Asian desh khan te 18th rank te ase.
Indian team khan toh February 7 laga jua rankings pichete team toh ekta bhi international match khela nai.
Iran toh Asian rankings te 21 loi kena sob para opor te lagatar (continue) kuri thaki ase. Etu pichete Japan (26), South Korea (37), Australia (41) aro Qatar (55) ase.
Belgium toh FIFA rankings te sob para ucha jaga te lagatar thaki ase. Aro England khan bhi opor jag ate ahibole lagatar kosis kuri ase. England toh World Cup te finalists Croatia logote para fourth jaga toh loi loishe.
FIFA rankings te teenta jaga toh bodoli huwa nai. Etu te Belgium toh sob para opor te ase, World Cup jeetia team France toh dusra jaga te ase aro Brazil toh tisra (third) jaga te ase.
Add Comment