Premier League: Chelsea toh Brighton and Hove Albion ke 3-0 para harai dishe

Agencies:Wednesday din Olivier Giroud, Eden Hazard aro Ruben Loftus-Cheek para Chelsea nimite goals mari de kena tai khan Brighton aro Hove Albion khilaf te 3-0 para jeetishe. Chelsea khan laga etu match te Callum Hudson-Odoi toh tai laga sob para poila Premier League suruwat kurishe. Etu jeet nimite Chelsea khan toh Premier League te top char teams te ahibole laga sapna toh pura kuribole paribole genika ase.

Chelsea toh Brighton and Hove Albion khilaf te thaka match toh ekdam aram para jeetishe. Etu jeet nimite Chelsea aro Arsenal toh eki jaga te ahi jaishe. Aro etu nimite Chelsea manager Maurizio Sarri nimite olop aram kuri dishe.

Chelsea toh Premier League te Manchester United laga jaga toh 63 points banai kena fifth jag ate ahi jaishe. Aro tai khan toh Arsenal logote eki level te ahi jaishe. Chelsea toh etiya Tottenham Hotspur para ekta points para nichete ase. Chelsea toh aha season laga Champions League te jaga banabole kosis kuri ase.