Regional

President Droupadi Murmu toh Mizoram University convocation te ahe bole ase November 30 te

Aizawl, November 17, 2026: President Droupadi Murmu toh Mizoram te ahe bole ase November 28 para 30 tuk, Mizoram university laga convocation ceremony karne, kunto Tanhril te thake bole ase, ekta official para enia koi she. 

Murmu toh November 28 te state te punchi jabo aro November 30 te wapas New Delhi jai jabo, University laga convocation mana piche. Official para koi she ki November 29 te president toh eku official engagement toh nai. 

President ahe bole laga kam khan shuru hoi she, aro ekta high level meeting thake she kunto Mizoram Chief Secretary Khilli Ram Meena para chair kure she Monday te. State administration, police aro Mizoram university laga senior officials khan be meeting te ahe she, arrangement khan laga khota kure bole karne.