Mumbai, 18 November: Bollywood laga famous actress Tabu Netflix laga upcoming Hindi web series Tunnel Men te kaam koribole ready ase. Itu project Yash Raj Films laga production te develop hoi ase, aru director Shiv Rawail series ke direct koribo. Shiv Rawail age Netflix laga popular series The Railway Men direct korise. Tunnel Men laga story 2023 te Uttarakhand te hua tunnel rescue operation pora inspired ase, juntu majot trapped workers khan ke rescue koribole bishi challenging operation conduct korisil. Kintu upcoming series actual incident laga exact retelling nohoi kuina clarify korise. Tabu nijor powerful acting aru different characters portray kora karone Indian cinema te bhal pora jana jaise. Tai Andhadhun, Drishyam aru Haider nisina films te memorable performances dise. Itu project Tabu laga Hindi OTT series debut hobo. Series laga complete cast aru release date etiya tak announce huanai.
Tabu Netflix laga new series Tunnel Men te debut koribo








