Kohima • Nagaland

Kohima DEO Para Roll Inclusion Opportunity Offer Kurishey, ASDD Elector Khan Nimitey

November 18, 2026, 9:50 PM: District Election Officer (DEO), Kohima, B. Henok Buchem, NCS para elector khan ke inform kurishey, kun laga naam khan toh hoiley, itu Draft Electoral Roll para exclude hoi kena asey itu chuli thaka Special Intensive Revision (SIR) laga homoi tey, ASDD (Absentee, Shifted, Dead aru Duplicate) under tey mark kuria pichetey, kuntu toh hoiley tai khan toh tai khan laga Enumeration Form khan toh submit kuriboley paribo, tai khan laga naam khan toh itu Final Electoral Roll tey dhaliboley.

Ekta press release tey, itu DEO para state kurishey ki, itu Commission toh hoiley ekta opportunity provide kurishey, eneka nishina elector khan ke, tai khan laga Enumeration Forms (Annexure A) submit kuriboley, itu chuli thaka SIR laga homoi tey.

Itu initiative toh hoiley, ensure kuriboley aim kurey, ki, kun bhi genuine elector khan toh hoiley pichey nachariboley, itu Final Electoral Roll para, kuntu toh hoiley 30th November, 2026 tey publish kuriboley laga schedule kuri kena asey.

Toll-Free Number: 1950

Helpline Numbers: 8794607805, 9862686527 aru 8730939608.