Mumbai, 19 November : Hollywood actor Dwayne Johnson tai laga upcoming film Lizard Music laga shooting complete korise. Itu film filmmaker Benny Safdie laga direction te bonai ase. Shooting khotom hua pichete Johnson social media te ekta emotional message share kori tai laga experience ke special kuina describe korise.
Itu fantasy adventure film Daniel Pinkwater laga novel uporot based ase. Story te ekjon chokra ekta mysterious late-night broadcast discover kore, juntu te lizard khan unusual music perform kore.
Film te Dwayne Johnson logot Alicia Silverstone, Regina Hall, Tim Heidecker aru Theo Clark Leber nisina actors khan kaam korise. Johnson itu film karone tai laga physical appearance te bhi dangor change anise.
Tai laga character Charles Swann, juntu Chicken Man naam para bhi porichito ase, itu role ke farewell diya homoi tai emotional hoise. Film laga shooting complete hua pichete etiya post-production kaam agor phale jabo.









