November 22, 2026: Housing aru Mechanical Engineering nimitey Minister – Nagaland Government – P. Bashangmongba Chang para itu Naga Patient Guest House inaugurate kurishey, Dibrugarh, Assam tey, 21st November, 2026 tey. Itu occasion tey kotha kuri kena, itu minister para koishey ki, itu toh hoiley ekta significant aru meaning thaka laga occasion asey, itu Nagaland laga manu khan nimitey, kiley koiley patient khan aru tai khan laga attendant khan kun toh hoiley Nagaland para Dibrugarh tey jaboley asey, medical treatment nimitey, tai khan afford kuriboley para aru thik thak laga accommodation paboley dukh pai thaka tey modod hobo. Medical treatment toh bishi ekta dikdari laga ekta asey, aru itu logotey thakiboley laga jaga paboley bishi ekta jhamela laga ekta asey, itu para aru bhi parivar ekta ke dukh banai diye. Tai para assert kurishey ki, itu Guest House toh hoiley ekta safe aru comfortable jaga provide kuriboley asey, patient khan aru tai khan laga attendant khan nimitey, ghor para dur tey bhi ghar nishina jaga ekla nahoi kena, itu dikdari laga homoi tey. Tai para Chief Minister Dr. Neiphiu Rio laga support aru vision acknowledge kurishey, kun laga leadership aru encouragement para itu important initiative laga raasta khulaishey. Tai para tai laga sincere gratitude express kurishey, Nagaland Christian Fellowship, Dibrugarh ke, itu jaga bisari kena diya nimitey, particular para itu homoi tey, kotey mati khan encroach tak bhi kuria laga jamana tey. Tai para KC Infra Projects Private Limited ke thanks janaishey, tai khan laga dedication aru commitment nimitey, itu project execute kuria tey. Tai para akha thaka laga express kurishey, ki, itu institution toh hoiley unity aru brotherhood bond kuria tey majbut kuribo, itu Naga manu khan bhitor tey.
Bashangmongba Chang Para Naga Patient Guest House Inaugurate Kurishey, Dibrugarh, Assam Tey








