Guwahati, November 22, 2026: Assam laga Cachar Police khan 10,000 Yaba tablets pai she kunto laga dam toh Rs 3 crore neshe na laga ase, aro dua jun ke geraftar kure she. Dawai toh gari laga petrol tanki te loi kai kena thake she.
Jankari pai kena, police khan ekta operation kure she Balasara toll gate te, November 21 laga rati te, aro tai khan 1 kg aro 17 grams laga dawai toh pai she ekta Alto gari laga tanki te, gari laga registration number toh AS 11 B 9838 thake she.
Operation toh DSP Bhaska Saikia para lead kure she, kute police khan para Rajib Uddin aro Saidul Ahmed ke geraftar kure she, tai jun be Sribhumi district laga Tila bosti para ase koi she.
Police khan para koi she ki utu dawai pa khan toh market te Rs 3 crore neshe na laga ase.









