Southampton: Mohamed Salah toh Liverpool nimite Southamton khilaf te goal marishe. Etu goal toh Mohamed Salah laga bishi lamba samay pichete mara goal ase.
Etu goal mara nimite Mohamed Salah toh tai laga team ke dubara sob para opor te ahibole modot kurishe. Etiya Liverpool toh Premier League table laga sob para opor te ase.
Salah toh nouta (9) games pichete sob para poila goal marishe. Salah laga Liverpool nimite etu goal toh dui moina pichete ahishe. Liverpool khan Friday din te Southamton khilaf te 3-1para jeetishe. Tai khan toh etiya Manchester City para duita points para opor te ase.
Add Comment