Manchester City manager Pep Guardiola pora jarta trophies chidi bole kura toh etya bhi English champions karne ulab dictary ase hoile bhi Saturday te Brighton logot te khiliya 1-0 te chidi kena FA Cup final te bonchise. Gabriel Jesus laga ulap ake laga ekla goal diya kafi dhakise kintoh City pora Seagulls logot khilaaf khili kena hariya karne top gear te jabole pariya nai, hoile bhi 23 game te 22 chidi kena ektam phal pora jai ase. Guardiola laga manu Wembley te Watford nahoile bhi Wolves logot te log kuribole May 18 te wapas ahibole ase aro tai khan laga phabna toh English football history te pohila domestic treble maribole karne moka ase.
Premier League title race te City pora Liverpool laga biche te two points pora khetaise hoile bhi game toh hat te dhuri kena League Cup te February te ektam tagot pora ake te jai ase.
Hoile be Tuesday te Tottenham te khiliya Champions League quarter-final laga bohila game ake te, Guardiola pora echa kuriya Jarta trophies khilibole toh ektam asurat lagibo.
“Moi pora abni khan logot te kiba ekta announce kuribo. Etu toh jarta trophies chidi bole toh ektam dictary hoi jaise,” Guardiola pora koise. “Etya laga competition somoy te bachi kena ahiya toh asurat toh hoi hi jaise.
“Etya tok bhi moi khan ase. Etu pora etu khiliya manu khan pora kuriya kam toh ektam muja ase.
“Game sob te moi khan poar khiliya manu khan ke hari dhake hoile bhi game bishi khiliya te etu toh normal ase. Moi khan pora game sob te khotam howa tok kosish kuribole ase.”
Brighton ke toh adha ghonta te Alireza Jahanbakhsh logot te chamela ula biche te were Kyle Walker ke nabodhabole faisla kurise.
“Moi pora ulap somoy te dekhise aro moi laga hesab te toh etu toh red card ase,” Brighton laga boss Chris Hughton pora koise.
“Moikhan pora players khan logot te hosa ar emandar dhakibole koise aro Alireza, pora tai laga madha te dhuri kena buhi jaise koile toh etu toh alak kodha ulabole kodha ase.”
City khan Tottenham laga new stadium te etu habta bich te trip najowa ake te London te dhakise, Sergio Aguero toh Friday te south te beraise hoile bhi ulap jokom pai kena bhi risk dhakiya nai.
Add Comment