New Delhi:India laga kunba senior players khan England Lions(A Team) te khelibo bhabi ase. England khan India te full-fledged series khelibole ahibo ase. Etu toh January-February end te hubo ase.
Ek bar India tai laga test engagements Australia against te huwa pichete tai khan pach-din kormat July 2019 te West Indies against te khelibo ase. Etu toh dui din Test series World Test Championship laga hubo ase.
Cheteshwar Pujara aro Ajinkya Rahane bhi January last hafta te Ranji Trophy kothom hoile tai khan bhi ahibo thaka matches karne kiba toh kuribo lagibo ase.
BCCI source PTI ke koishe fast bowlers laga workload management toh alag issue ase hoile bhi etu toh kunba Test Specialists laga case te ase. Ami khan tai khan ke England Lions khan against te kheli bo dibo. England Lions khan toh full series nimite ahibo ase. Etu te England khgan char din test khilibo aro List A aro T20 matches khelibo.
Khobor pa hesab te selectors khan Pujara, Rahane aro Prithvi Shaw toh lamba khelibo thaka matches khan nimite fit hoi kena thakibole expect kuri ase.
Add Comment