Karwar, Karnataka: Sources koishe ke Friday din te INS Vikramaditya te jui laga nimite naval officer murishe. INS Vikramaditya toh India laga khali ekta aircraft carrier ase. Nodal officer toh Karnataka laga Karwar harbor te ghusi thaka samay te etu ghatna toh hoishe.
Navy tai khan laga statement te koishe Lieutenant Commander DS Chauhan toh ekdam himmat para jui para affect compartment te jui khilaf te larai kurishe.
Navy koishe jui control kura pichete officer toh dhunga bishi huwa nimite behos (lost consciousness) hoishe. Nodal officer ke immediately Karwar laga Naval hospital te loi jaishe. Hoile bhi tai bachibole para nai.
Navy para aro koishe ke jahas (ship) laga crew khan para jui toh bon kuribole parishe. Ekdam joldi para jui toh bon kura nimite jahas (ship) larai kuribole para jaga toh bachabole parishe.
Jui kinika lagishe etu kotah opor te Board of Inquiry puchtach kuribole koishe.
$2.3 billion aircraft carrier toh Russia para India te January 2014 te anishe. INS Vikramaditya toh Indian Navy te November 2013 te commission kurishe.
Add Comment