ISLAMABAD: Sunday din media khobor hisaab te Pakistan laga porana military dictator Pervez Musharraf kun para constitution bondh kura nimete case chuli thakabo desh te wapas nahibo nishena ase family khan naphuta karne aro medical board”s recommendations kura nimete .
Etu kotha ola toh ek din akhe tai laga lawyer Salman Safdar para reporters ke koishe ki etu 75 sal porana president gao thik nathakikena bi tai court te ahibole thakishe .Tai ke court para May 2 te hearing nimete matise .
Hoilebi Dawn news para khobor dishe ki etu General (retd) Musharraf toh Pakistan te nahibo nishena ase .Kile koile tai laga family khan para tai ke najoble pressure dikena aro medical board reccommed kura nimete .
March 2014 te special court para Musharraf uporte dhoka diya nimete bodnam kurishe.Musharraf Dubai 2016 te medical treatment nimete jaishe.Etu pichede toh tai wapas ahanai .Juwa moina tai Dubai laga hospital te admit hoishe ekta beemar para reaction paa nimete etu nimete hi tai treatment loi ase .
Special court para Musharraf ke kanoon namana manu bonaidishe aro tai laga property khan loishe tai naha karne .
Etu pichede Supreme Court para order dikena Musharraf laga passport aro national identity card khan cancel kurishe .
Pakistan te Musharaff 1999 para 2008 tak rule kurishe.
Add Comment