SAN FRANCISCO, UNITED STATES: Fire department khan koishe ki Saturday saam northwestern US city Seattle te crane girikena komti hoilebi 4 jun murishe aro 4 jun toh jhokom paikena thakishe.
Fire department khan statement dikena koishe ki etu crane toh building laga roof para girikena 6ta nichete thaka gaari te maridishe .Etu toh southern shore Lake Union, te hoishe .Etu toh city laga center te ase .
Aro koishe ki tinta mota aro ekta maiki murishe –Etu te duita toh crane chula manu ase aro dusra khan toh alag alag gaari te thakishe .Etu char jun te ekta 27 sal mota aro 25 sal maiki aro ekta char moina maiki jhokom paikena hospital te luijaishe,Department khan koikena janaishe . The Seattle Times khobor dishe ki etu crane toh nutun google campus bonabole nimete luwa ase .Etu toh ekta fast-growing tech hub e-commerce giant Amazon khan laga ase .
“Etu case te chan bin chuli ase kinika etu crane toh kaam nakura hoijaishe .Etu chan bin toh Washington State Department of Labor and Industries khan loi ase,” Fire department koikena janaishe .
Add Comment