Dalip Singh Rana ke toh Great Khali laga naam para jani aro tai logode kelaaf korikena Trinamool Congress (TMC) para Election Commission (EC) logode letter dese. Great Khali logode kelaaf kora toh BJP candidate Anupam Hazra laga campaign deh hesha lowah nemide ase.
Hazra toh Kolkata deh Jadavpur Lok Sabha para contest kori ase. Last Friday din Rana toh Hazra laga campaign deh hesha lowah thakishe. TMC para EC logode letter deya deh koikena thaga toh, Rana toh American citizen hoi kena be Lok Sabha election campaign deh hesha loishe. Bengal deh ruling party khan para kowah toh, Indian electorate deh foreigner khan toh hesha nalobo lagi.
Agae din Singh para kowah toh, Hazra toh tai laga sathi ase aro etu nemide tai campaign join hoishe. Kolkata deh nomination file kora time deh Singh toh Hazar logode thakishe.
Hoilebe Hazara para Singh’s logode defend kora toh, “Khali toh 100% Indian citizens ase. Tai USA deh olob samai karni bohowah nemide TMC toh kelaaf kori ase. A,i laga sathi Khali toh worl-famous wrestler ase aro tai Haryana Police deh be kaam kori ase. Tai logode voter ID ase aro dual citizenship ase. Galdi campaign toh kaam nathaga hoijabo.
Etu agae din BJP para EC logode TMC campaign deh tuita Bangladeshi actors campaign kora nemide complain kora thakishe. Home Ministry para Bangladeshi actors Ferdous Ahmed aro Abdula Noor logode TMC’s campaign bechide India charibole kowah thakishe.
Add Comment