Uttar Pradesh laga 13 Lok Sabha seats deh voting toh Lok Sabha election laga fourth phase deh lobo aro etu toh Monday din (April 29 direk) lobole ase.
Uttar Pradesh deh total 80 seats thaga deh poll lobole khan toh, Akabarpur, Etawah, Farrukhabad, Hamirpur, Hardoi, Jalaun, Jhansi, Kannauj, Kanpur, Kheri, Misrikh, Shahjahanpur aro Unnao ase. Uttar Pradesh deh voting toh Lok Sabha eletions laga sob seven phases deh ase.
13 constituencies laga 27,513 booths deh total 2,38,88,367 manu khan vote debole ase.
Shahjahanpur deh total 152 candidate toh ekta ekta logode khelaaf khara howah thakibole ase.
Uttar Pradesh deh top leaders khan campaign kori thaga khan dekhan toh Prime Minister Narendra Modi, Congress president Rahul Gandhi aro Samajwadi Pary president Akhilesh Yadav ase.
Uttar Pradesh laga tuita seat Kannauj aro Hardoi deh PM Modi toh rally deh kotha kowah thakishe aro etu tuita jaga be Monday din election voting kora thakibo.
Samajwadi Party president Akhilesh Yadav be Kanauj deh din besi phelai kena ase.
2014 deh NJP toh 13 seats laga ke 12 thakishe. Khali Samajwadi Party’s Dimple Tadav para Kannauj seat deh jeta thakishe.
Add Comment