Agencies, 1 September: Next Monday Africa jaga de China toh China-Africa summit de thakibole ase. Etu time de African leaders khan besi thakibole ase. China-Africa summit de President Xi Jinping pora Belt and Road Initiative (BRI) laga pethor de notun projects toh janidebole biswas kori ase. China toh projecs de besi billions dollars invest kori ase. Etu pora China pora Africa summit host kora toh third par ase. 2006 summit toh Beijing de thakise aro tusara wala 2015 summit toh Johannesburg de thakise. Official media pora report kora hesab de, China aro Africa majode Xi pora notun concept aro plan toh janaidebole ase aro Africa logode practical cooperation de notun actions aro measures toh Forum on China-Africa Cooperation (FOCAC) Beijing summit September 3-4 time de janaidebole ase. Summit de 53 pora leaders aro officials toh thakibole biswas kori ase. Xinhua report hesab de, etu summit de Xi aaro South African President Cyril Ramaphosa toh chair thakibole ase aro Chinesea aro African leaders toh China-Africa relations de kotha koribole ase aro etu opor de international aro regional issues de be kotha koribole ase koise.
Add Comment